Sheteldegi 5 myń qazaqstandyq charterlik reıs arqyly elge oralady
NUR-SULTAN. QazAqparat – Premer-mınıstrdiń orynbasary Eraly Toǵjanov sheteldegi qazaqstandyqtardy elge qaıtarý jumysy qalaı júrgizilip jatqanyn aıtyp berdi, dep habarlaıdy QazAqparat tilshisi.
«Biz sheteldegi 5 myńǵa tarta otandasymyzdy elge qaıtarýymyz kerek. Búkil álemde reıster aıtarlyqtaı azaıyp ketkendikten olardy charterlik reıspen elge qaıtarý jumysy júrgizilip jatyr. Degenmen, bul is memleket esebinen júrgizilmeıtinin eske salamyn. Ony týrıstik qor óz mindetine alady», - dedi Eraly Toǵjanov Úkimettiń baspasóz ortalyǵynda ótken onlaın rejimdegi brıfıng barysynda.
Úkimet basshysynyń orynbasary osy jyldyń 23 naýryzyna deıin 4 myńǵa tarta qazaqstandyqty qaıtarý úshin 18 reıs oryndalatynyn jetkizdi.
