Sheteldegi úsh saılaý ýchaskesi jumysyn toqtatty
ASTANA. KAZINFORM — QR Syrtqy ister mınıstrligi Erekshe tapsyrmalar jónindegi elshisi Erlan Álimbaev shetelderdegi saılaý ýchaskeleriniń daıyndyq barysy jóninde málimdedi.
— Shetelderlegi saılaý ýchaskeleri tolyqtaı daıyn. 10 tamyzda Ortalyq saılaý komıssııasynan alynǵan bıýlletender men aqparattyq materıaldar erteńnen bastap, ıaǵnı 19 tamyzdan bastap jetkizile bastaıdy. 20 tamyzda barlyq 79 ýchaskede tolyqtaı bolady, — dedi ol QR Ortalyq saılaý komıssııasynyń otyrysynda.
Sonymen qatar, Erlan Álimbeavtyń sózinshe, Iran men Ýkraınadaǵy áskerı-saıası jaǵdaıdyń kúrdeliligine baılanysty, Qazaqstannyń atalǵan elderdegi elshilikteri janyndaǵy saılaý ýchaskeleriniń jumysy toqtatyldy. Saılaýshylar bolmaǵandyqtan, Qazaqstannyń Efıopııadaǵy elshiligi janyndaǵy saılaý ýchaskesi jóninde de dál osyndaı sheshim qabyldandy.
— Búginge deıin 29 elden 38 sheteldik jýrnalıst tirkeldi. Munyń geografııasy óte keń. AQSh, Brazılııa, Polsha, Chehııa, Úndistan t. b. memleketterdiń BAQ ókilderi bar, — dedi ol Quryltaı saılaýynda aqparat taratatyn sheteldik jýrnalıster jaıynda.
Aıta keteıik, buǵan deıin qazaqstandyqtardyń saılaýǵa kózqarasy qalaı ózgergenin jazǵanbyz.
