Sheteldegi Naýryz: Gonkongtaǵy qazaqtar ulttyq merekeni toılady
ASTANA. KAZINFORM — Bas konsýldyqtyń qatysýymen gonkongtyq «PolyU» ýnıversıtetinde Qazaqstan Respýblıkasy azamattary, stýdentter men sheteldik azamattardyń qatysýymen «Naýryz» merekesi atap ótildi, dep habarlaıdy SІM baspasóz qyzmeti.
Іs-sharanyń ashylýynda Qazaqstan Respýblıkasynyń QHR Gonkong qalasyndaǵy Bas konsýly Baýyrjan Dosmanbetov Naýryz merekesiniń ǵasyrlar boıy jalǵasyp kele jatqan dástúrimiz ben ulttyq biregeıligimizdiń belgisi ekenin atap ótti.
Bıylǵy jyly tatýlyǵymyzdy odan ári nyǵaıtyp, osyndaı sharalar arqyly halqymyzdyń ejelgi salt-dástúrleri men mádenı murasyn dáripteýge qoldaý bildirdi.
Óz kezeginde, qonaqtardyń qatysýymen kontserttik baǵdarlama uıymdastyrylyp, ulttyq oıyndar men túrli jarystar ótkizildi.
Merekege qatysýshylar qazaq halqynyń ejelgi mádenıeti men Naýryz merekesiniń tarıhymen tanysty.
Qazaqstandyq stýdentterdiń oryndaýyndaǵy qoıylymdar men ulttyq kúıler, bılerdi tamashalady.
Kesh sońynda sheteldik azamattarǵa qazaqtyń ulttyq taǵamdary usynyldy.
Budan buryn Qazan Federaldyq ýnıversıtetiniń qoldaýymen kóktem men jańarýdy toılaý – Naýryz merekesi keń kólemde atalyp ótkenin jazǵan edik.
