Sheteldegi qazaqtardyń «qandas» ekeni qalaı anyqtalady
ASTANA. KAZINFORM – Eńbek jáne halyqty áleýmettik qorǵaý mınıstrligi kóshi-qon komıtetiniń tóraǵasy Asqarbek Ertaev syrttan keletin otandastarymyzǵa «qandas» statýsy qalaı beriletinin túsindirip berdi.
«Jergilikti atqarýshy organnyń janynan komıssııa qurylady. Onyń quramyna jumyspen qamtý, bilim berý, ishki saıasat jáne ishki ister basqarmalarynyń, ulttyq qaýipsizdik komıteti ókilderi kiredi. Odan bólek, ultty aıqyndaý salasyndaǵy túrli professorlar men sarapshylar qatysady», - dedi Asqarbek Ertaev Ortalyq kommýnıkatsııalar qyzmeti alańynda ótken baspasóz máslıhatynda.
Onyń aıtýynsha, «qandas» mártebesin berýdi atalǵan komıssııa qarap, anyqtaıdy.
«Komıssııanyń jumys fýnktsııalary, azamattarmen suhbattasý tártibi, ıaǵnı óz ultyn rastaı almaıtyn adamǵa qandaı suraqtar qoıýǵa bolatyny týraly erejeler ázirlengen. Sondaı-aq, komıssııada qandaı da bir kúmán týyndaǵan jaǵdaıda genomdyq saraptama júrgizýdi qarastyrylǵan. Saraptama arqyly azamattyń qazaq ultyna qatysy bar-joǵy anyqtalady», - deıdi ol.
