Sheteldegi qarýly qaqtyǵystarǵa qatysatyn qazaqstandyqtarǵa shara qoldanylady

ASTANA. KAZINFORM — Aqshalaı syıaqy alý maqsatynda sheteldegi áskerı is-qımyldarǵa qatysatyn qazaqstandyqtarǵa shara qoldanylady, dep habarlaıdy ІІM baspasóz qyzmeti.

ІІM áleýmettik jelilerde ózge memleketterdiń qarýly kúshterimen kelisim jasasý arqyly aqshalaı syıaqy alý usynysy bar jarnama men beınerolıkterdiń tarala bastaǵanyn atap ótti. 

— Qarýly qaqtyǵystarǵa qatysqan jaǵdaıda QR Qylmystyq kodeksine saı qylmystyq jaýaptylyq sharalary kózdelgen. Qazaqstandyq azamat shet memlekettiń aýmaǵynda qarýly qaqtyǵysqa nemese áskerı is-qımyldarǵa qatysqany úshin jaldamalyq belgiler bolmaǵan kezde (QK-niń 172-baby) 5 jyldan 9 jylǵa deıingi merzimge bas bostandyǵynan aıyrý túrindegi jaýaptylyq qarastyrylady, — dep eskertedi ІІM.

Al jaldamaly bolǵany úshin (QK-niń 170-baby) is-árekettiń aýyrlyǵyna qaraı 7 jyldan bastap merzimge bas bostandyǵynan aıyrý ne Qazaqstan Respýblıkasynyń azamattyǵynan aıyra otyryp nemese onsyz, múlki tárkilenip ómir boıyna bas bostandyǵynan aıyrý túrindegi jaza kózdelgen.

ІІM azamattarǵa Qazaqstan Respýblıkasynyń zańnamasyn saqtaýǵa jáne eleýli quqyqtyq saldarǵa ákep soǵýy múmkin áreketterge qatysýdan bas tartýǵa qatań keńes beredi. 

Aıta ketsek, Іshki ister mınıstrligi kóshelerdegi jarnamalar arqyly esirtkiniń taralýyn boldyrmaý úshin qarqyndy jumys júrgizip keledi.

Mereı Ámirtaı