Sheteldegi qandas talapkerler úshin Qazaqstanda oqý talaby jeńildetildi
ASTANA. KAZINFORM – QR Ǵylym jáne joǵary bilim mınıstrligi jáne «Otandastar qory» KeAQ birlesip sheteldegi Qazaqstan azamaty bolyp tabylmaıtyn ulty qazaq adamdar úshin Qazaqstannyń joǵarǵy oqý oryndaryna oqýǵa túsýge osy jyldan bastap jańa jeńildetilgen talaptardy qabyldady.
Qazaqstan joǵary oqý oryndaryna túsý úshin bıyldan bastap jańa jeńildetilgen talaptar qabyldandy.
Birinshiden, Qazaqstan azamaty bolyp tabylmaıtyn ulty qazaq adamdar úshin UBT tapsyrǵan kezde shekti ball bolmaıdy.
Ekinshiden, bes emtıhannyń ornyna úsh emtıhan tapsyrady (oqý saýattylyǵy jáne tańdaǵan baǵyt boıynsha eki beıindik pán).
Úshinshiden, tórt joǵary oqý ornyn jáne bilim berý baǵdarlamasyn tańdaýǵa múmkindik saqtalyp qaldy.
Tórtinshiden, qazaq tilin tolyq meńgermegen azamattarǵa orys tilinde tapsyrý múmkindigi saqtalady.
