Sheteldegi daýys berý 24 tamyzdyń tańyna deıin jalǵasady
ASTANA. KAZINFORM — AQSh pen Kanadadaǵy saılaý ýchaskeleri jumysyn jalǵastyryp jatyr, dep habarlaıdy Syrtqy ister mınıstrliginiń baspasóz qyzmeti.
Vedomstvo málimetinshe, Vashıngton, Nıý-Iork, San-Frantsısko, Ottava jáne Brazılıa qalalaryndaǵy saılaý ýchaskeleri áli de jumys istep jatyr. Astana ýaqytymen saǵat 00:00-ge deıin sheteldegi 74 saılaý ýchaskesi óz jumysyn aıaqtaıdy.
— Sheteldegi daýys berý 24 tamyz kúni Astana ýaqytymen saǵat 08:00-de AQSh-tyń San-Frantsısko qalasyndaǵy Qazaqstannyń Bas konsýldyǵy janyndaǵy saılaý ýchaskesiniń jabylýymen aıaqtalady, — delingen habarlamada.
Budan buryn Qazaqstanda Quryltaı depýtattaryn saılaý boıynsha daýys berý aıaqtaldy. Jergilikti ýaqyt boıynsha saǵat 20:00-de el aýmaǵyndaǵy saılaý ýchaskeleri jabylyp, komıssııalar daýystardy sanaýǵa kiristi.
Sonymen qatar, elimizdegi 9 779 saılaý ýchaskesinde 25 myńǵa jýyq qoǵamdyq baıqaýshy jumys istep jatqany belgili boldy.
Búgin Astanada Quryltaı saılaýy kúni 25 sábı dúnıege kelgeni anyqtaldy.
