Sheteldegi barlyq referendým komıssııasy óz jumysyn aıaqtady

ASTANA. KAZINFORM – 59 elde daýys bergen Qazaqstan azamattarynyń jalpy sany 9976 adamǵa jetti. Bul daýys berýshilerdiń 81.06% kelýin qamtamasyz etti. Bul týraly QR Syrtqy ister mınıstrliginiń baspasóz qyzmeti málimdedi.

Bir jyl boıy halyq talqysynda bolǵan AES qurylysy boıynsha referendým da ótti. Bul referendým 2024 jyldyń ǵana emes, Qazaqstan tarıhynda erekshelenip qalatyny daýsyz. 6 qazanda 7,8 mıllıonnan astam qazaqstandyq el keleshegin aıqyndaıtyn is-sharada daýys berýge qatysty. Bul – daýys berýge quqyly azamattardyń 63,87 paıyzy. Referendým qalaı ótti, qorytyndysy ne boldy? Kazinform tilshisiniń materıalynan tanysa alasyz. 

Eske salaıyq, keshe qazaqstandyqtar atom elektr stantsııasyn salý máselesi boıynsha referendýmda daýys berdi.

6 qazanda el boıynsha 10 249 referendým ýchaskesinde daýys berý bastaldy.

1 shildedegi jaǵdaı boıynsha el kóleminde 12 176 968 adam referendýmda daýys berýge haqyly ekeni aıtyldy.

Qoǵamdyq saıasat ınstıtýty saılaýshylar arasynda saýalnama júrgizdi. Exit poll nátıjesinde qatysýshylardyń 72,3 paıyzy AES qurylysyn qoldaǵan.

«Astana – keshendi áleýmettik zertteýler ınstıtýty»: exit poll nátıjesinde qazaqstandyqtardyń 69,8 paıyzy referendýmda AES qurylysyn qoldap daýys berdi.

Eýrazııalyq ıntegratsııa ınstıtýty: Exit poll nátıjelerine sáıkes, respondentterdiń 71,8%-y «Iá, kelisemin» dep jaýap bergen, qalǵan 28,2%%-y «Joq, kelispeımin» jaýabyn tańdaǵan.