Sheteldegi aktıvterdiń 589 mln AQSh dollary qaıtaryldy – Bas prokýratýra

Memleket basshysy tapsyrmasy boıynsha elimizden shetelge zańsyz shyǵarylǵan aktıvterdi qaıtarý jumysy jalǵasyp jatyr, dep habarlaıdy Kazinform.

«Zańsyz ıemdenilgen aktıvterdi memleketke qaıtarý týraly» Qazaqstan Respýblıkasynyń Zańynda kózdelgen aktıvterdi qaıtarý tetikterine sáıkes Komıtet aktıvterdi, onyń ishinde sheteldegi aktıvterdi izdeý jáne qaıtarý boıynsha jumys júrgizýde», - delingen Kazinform agenttiginiń QR Bas prokýratýrasyna joldaǵan saýal jaýabynda.

Sondaı-aq suraý arqyly shet eldermen halyqaralyq ýaǵdalastyqtar sheńberinde arnaıy arnalar arqyly málimet alynady.

«Búgingi tańda zańsyz jolmen alynǵan 997,9 mlrd teńgege jýyq aktıvter qaıtaryldy. Onyń ishinde shetelden qaıtarylǵany 589 mln AQSh dollardy quraıdy», - deıdi vedomstvodan.