Sheteldegi 200 qazaq uıymynyń jetekshileri Qazaqstanda bas qosady

Sheteldegi 200-den astam qazaq uıymdarynyń basshylary, belsendi jáne tanymal tulǵalary Qazaqstanda bas qosady, dep habarlaıdy QazAqparat. 

Qazaqstan Respýblıkasy Syrtqy ister mınıstrliginiń bastamasymen «Otandastar qory» kommertsııalyq emes aktsıonerlik qoǵamy Qazaqstanda shetel qazaqtarynyń «Otandastar forýmy» atty kezekti basqosýyn uıymdastyrady.

Forým – sheteldegi etnıkalyq qazaqtarmen ózara baılanysty jetildirý jáne olardy elimizdiń turaqty damýyna úlesin qosý joldaryn qarastyratyn jańa formattaǵy basqosý alańy.

Forýmǵa sheteldegi 200-den astam qazaq uıymdarynyń basshylary, belsendi jáne tanymal tulǵalarmen qatar, otandyq ǵylym, bilim, mádenıet, sport, bıznes, medıa, saıasat, qoǵamdyq uıymdar jáne basqa da salalardyń kórnekti ókilderi men belgili qaı̆ratkerleri qatysady.

Forýmnyń maqsaty – sheteldegi qazaq uıymdarymen ózara túrli yntymaqtastyq máselelerin talqylaý; elimizdiń jańa kezeńdegi memlekettik saıasatymen jáne saıası-ekonomıkalyq reformalarymen, sondaı-aq ulttyq rýhanııatqa qatysty zamanaýı trendtermen tanystyrý; sheteldegi qazaqtardy qoldaýda Qazaqstannyń júrgizip otyrǵan saıasaty, sheteldegi qazaq jastaryn Qazaqstanda sapaly bilim alý jáne óz qabiletterin iske asyrý, sondaı-aq elge kóship keletin qandastarǵa memleket tarapynan qabyldanyp jatqan qoldaý sharalary týraly aqparattandyrý.

Forým aıasynda «El damýyndaǵy qandastardyń róli», «Otandastardyń ıntellektýaldyq áleýeti – ulttyq qundylyqtardy ilgeriletý draıveri», «XXI ǵasyrdaǵy qazaq tili jáne búgingi múmkindikteri», «Medıa jáne zamanaýı trendter» taqyryptary boıynsha sessııalar jáne «Otandastar Qory» KeAQ jańa jobalyr tusaýkeseri men «Taıqazan» forýmnyń qorytyndy sessııasy ótedi.

Osy oraıda elimizdegi buqaralyq aqparat quraldary ókilderin, jýrnalıster qaýymyn «Otandastar Forýmyna» belsendi qatysýǵa shaqyramyz. 

Forýmǵa qatysýshylar sany shekteýli bolǵandyqtan, oǵan qatysý shaqyrtý arqyly júzege asady.