Shetelde júrgende qandaı tamaqtardan tartyný qajet
Onyń aıtýynsha, qazaqstandyqtardyń teńiz taǵamdaryna degen ımmýnıteti álsiz. Sondyqtan, túrli ekzotıkalyq balyqtar men teńiz taǵamdaryn tutynǵanda abaı bolýy qajet.
«Shetelge saıahat josparlaǵan kezde dúnıejúzilik densaýlyq saqtaý uıymynyń, QR Densaýlyq saqtaý mınıstrliginiń taýarlar men kórsetiletin qyzmetterdiń sapasy men qaýipsizdigin baqylaý komıtetiniń saıttaryna kirip, qaı elderde qandaı aýrýlar tarap jatqanyn bilip alǵan abzal. Ol týraly atalmysh saıttarda tolyqqanda aqparat bar. Shetelde túrli ınfektsııa juqtyrmas úshin áýeli jegen tamaq pen aýyzsýǵa basa mán bergen jón. Kóshede, bazarlarda kezdeısoq saýdagerlerden tamaq satyp almaý qajet. Eń durysy tanymal dámhanalardan, qonaqúı qyzmetkerleri usynǵan jerlerden tamaqtanǵan abzal. Ekzotıkalyq taǵamdar alýdan saqtanǵan jón. Ásirese balyq jáne teńiz taǵamdaryn abaılap tutyný qajet. Kóptegen teńiz ónimderine bizdiń aǵzamyzda ımmýnıtet bolmaýy múmkin», - dedi bas sanıtar.
Sondaı-aq ol, aýyzsý satyp alar kezde onyń talap boıynsha saqtalǵanyna, qandaı qutyǵa quıylǵanyna mán berý kerektigin aıtty.
Eske salsaq, Jandarbek Bekshın álemdegi qaýipti ári juqpaly aýrýlarǵa beıim elderdi ataǵan bolatyn.