Shetelde júrgen Qazaqstan azamattary tólqujatyn qalaı rásimdeı alady
ÓSKEMEN. QazAqparat - Shyǵysqazaqstandyq polıtseıler shetelde júrgen Qazaqstan Respýblıkasy azamattaryna tólqujat rásimdeý jóninde aqyl-keńes berdi, dep habarlaıdy QazAqparat.
Eger siz shetelde oqyp, jumys istep nemese turyp jatsańyz jáne sizge QR azamatynyń tólqujatyn alý nemese aýystyrý qajet bolsa, oǵan bola Qazaqstanǵa kelýdiń qajeti joq.
Ol úshin sol eldegi QR elshiligine nemese konsýldyǵyna habarlasyp, myna qujattardy usyný qajet:
- ótinish;
- jeke basyn kýálandyratyn qujat:
- tólqujatty aýystyrý úshin - QR azamatynyń tólqujaty;
- 16 jasqa tolmaǵan bolsa - týý týraly kýálik, ata-anasynyń biriniń jeke basyn kýálandyratyn qujaty men ekinshisiniń notarıaldy ruqsaty;
- ólshemi 3,5h4,5 túrli-tústi 4 fotosýret;
- shetelde turaqty turý, oqý, shetelde jumys isteý, otbasy jaǵdaıy, densaýlyq faktisin rastaıtyn qujat (túpnusqa jáne kóshirme);
- konsýldyq tólem túbirtegi.
Qyzmet kórsetý merzimi - 80 kúntizbelik kún.
