Shetelde turatyn qazaqstandyq sýretshiler Astanaǵa keledi
ASTANA. QazAqparat - Astananyń sol jaǵalaýdaǵy bóligi bir aıǵa qazirgi zamanǵy óner ortalyǵynyń oshaǵyna aınalady. 15 qyrkúıek kúni munda Astana Art Show atty kórme bastalady. Bul týraly QazAqparat shara uıymdastyrýshylaryna silteme jasap habarlaıdy.
Astana Art Show qazirgi Qazaqstannyń beıneleý óneri Halyqaralyq Bıennalesiniń negizgi sharasy bolyp tabylady. Oǵan ózin sátti júzege asyrǵan jáne shetelde áıgili bolǵan qazaqstandyq jas sýretshiler qatysady. Sonymen qatar, Bıennale aıasynda Astananyń jas sýretshileri baıqaýy, tanymal sýretshilerdiń ashyq dáristeri men sheberlik sabaqtary ótedi.
20-dan astam sýretshi halyqaralyq iri kórmelerge qatysqan, sondaı-aq shoýǵa arnaıy qurylǵan jýmystaryn usynady. Sýretter men ınstallıatsıalardy kelýshiler TSE Art Destination galereıasynda jáne onyń aınalasynda tamashalaı alady.
Kórme qatysýshylar arasynda tanymal zamanýı óner sheberi - japondyq fotograf Ikýrý Kývadjıma, «Men Oblomov» tanymal avtoportret serııasynyń avtory. Sondaı-aq, Londonda belgili bolǵan Aza Shadenova óz jumysyn elorda kórkemóner áýesqoılarynyń nazaryna usynatyn bolady. Jas sýretshi Ádil Áýbekerov Astana turǵyndaryna jáne qonaqtaryna ǵımarattardyń biriniń qasbetindegi jańa kórkem nysanmen qýantatyn bolady.
«Іs-sharalardyń birinshi taqyryby - «Metamorphosis». Biz búgin, beınelep aıtqanda ózindik tarıhty asqaqtatýdamyz, sondyqtan bizdiń aldymyzda úlken saýaldar týyndaýda. Olardyń arasynda - adamǵa eki soǵystan keıin ne qalady, ızmdardan keıin endi barlyǵy shamamen aıtylǵannan keıin, teorııalar teorııa bolyp qaldy, al ózgerister áli de joq. Adamǵa jeke, qoǵamdyq, toptyq metamorfozalarǵa oqıǵa kókjıeginen ári shyǵý ǵana qalady - aınalyp kelgende, bizdiń jaýabymyz osy jáne bul jaýapty munda kelýshilerge osy kórmeniń aıasynda talqylaýǵa shaqyramyz», - dedi kórme kýratory Ásel Ahmetjanova.
Astana Art Show saltanatty ashylýynda álemdik deńgeıdegi mýzykant, arnaıy qonaq - Benjamin Skepper (Melbýrn, Aýstralııa) óziniń perfomansyn usynady. Benjamin Skepper zamanaýı tehnologııalar men ǵylymı ınnovatsııalardy paıdalana otyryp, eksperımenttik mýzykalyq shyǵarmalardy jańa kórkem turǵyda jasaıdy.
Aıta keteıik, kórme 15 qyrkúıek - 28 qazan aralyǵynda ótedi.
