Shetelde týǵan balalarǵa Ulttyq qor qarajaty qalaı beriledi – Mınıstrlik jaýaby

ASTANA. KAZINFORM – QR Qarjy mınıstrligi «Ulttyq qor — balalarǵa» baǵdarlamasy aıasynda Qazaqstan aýmaǵynan tys jerde týǵan balalar qalaı qarajat alatynyn túsindirdi.

«Eger bala Qazaqstannan tys jerde dúnıege kelse jáne QR azamattyǵy bolsa, onda oǵan qarajat týǵan sátten bastap esepteledi. Al eger bala basqa memleket aýmaǵynda dúnıege kelip, azamattyǵyn tek Qazaqstanǵa oralǵannan keıin alsa, onda qarajat azamattyǵyn alǵan sátten bastap esepteledi. Bul jerde basty shart — QR azamattyǵy ekenin atap ótý mańyzdy», - dedi QR Qarjy mınıstrligi Bıýdjettik kredıtteý, QR Ulttyq qory jáne qarjy sektory máseleleri boıynsha ózara is-qımyl departamentiniń dırektory Aıbol Arǵynǵazınov Ortalyq kommýnıkatsııalar qyzmetinde. 

Aıta keteıik, jyl basynan beri baǵdarlama aıasynda 6,9 mln balanyń esepshotyna 100,52 AQSh dollary mólsherinde qarajat aýdaryldy.

Buǵan deıin «Biryńǵaı jınaqtaýshy zeınetaqy qory» AQ Basqarýshy dırektory Murat Sháripov 18 jasqa tolǵan 63 balaǵa joba qarajaty tólengenin aıtqan edi. 

Sondaı-aq, «Ulttyq qor - balalarǵa» jobasynda eń kóp qarajat qaı oblysqa aýdarylǵany anyqtaldy.