Shetelde taǵy 10 jerde daýys berý ýchaskesi jumysyn bastady

NUR-SULTAN. QazAqparat – Shet memleketterdegi qazaqstandyqtardyń referendýmǵa qatysýyna múmkindik beretin taǵy 10 daýys berý ýchaskesi jumysyn bastady, dep habarlaıdy QazAqparat QR Syrtqy ister mınıstrligine silteme jasap.

Atap aıtqanda, Sofııa, Afına jáne Býharesttegi saılaý ýchaskeleri jumysqa kiristi. Sondaı-aq, Mınsk, Brest pen Bakýda saılaý ýchaskeleri ashyldy. Vena, Brıýssel, Bern jáne Gaagada da daýys berý júrip jatyr.

Buǵan deıin habarlaǵanymyzdaı, Japonııa men Koreıada turatyn Qazaqstan Respýblıkasynyń azamattary elimizdiń Konstıtýtsııasyna ózgerister men tolyqtyrýlar engizý jónindegi jalpyulttyq referendýmda ózderiniń daýys berý quqyǵyn alǵashqylardyń biri bolyp paıdalandy.

Sheteldegi daýys berý ýchaskeleri jergilikti ýaqytqa saı ashylyp, referendýmǵa qatysýǵa nıetti qazaqstandyqtardy qabyldap jatyr.