Shetelde sottalǵan 11 qazaqstandyq jazasyn Otanynda óteıdi
Onyń aıtýynsha, Memleket basshysynyń tapsyrmasyna sáıkes shet memleketterde sottalǵan qazaqstandyqtarǵa jazalaryn óz Otanynda óteýine múmkindik jasaýǵa baǵyttalǵan sharalar júzege asyrylýda. Máselen, búgingi kúni Qazaqstan 50-den astam elmen sottalǵandardy ekstradıtsııalaý jáne berý týraly kelisim jasasqan.
«Bizdiń azamattarymyz da jazasyn Otanynda óteý úshin berilip jatady. Óıtkeni, shetelde úlken problemalar týyndaıdy. Birinshi kezekte tildik kedergiler, qamaýda ustaý shartttary syndy problemalar bar. Sondyqtan da bul baǵyttaǵy jumystar júrgizilip jatyr dep senimmen aıtýǵa bolady. Ol úshin arnaıy qyzmet te qurylǵan jáne 11 adam túrli memleketterden elge oralady. Bul bir jyldyń málimeti», - dedi Andreı Lýkın.
Bas prokýror orynbasarynyń sózine qaraǵanda, qazaqstandyqtar Qytaıdan, Eýropa elderinen, Reseıden jáne TMD memleketterinen qaıtarylǵan.
«Bul rette Qazaqstan Konstıtýtsııasyna sáıkes óz azamattarymyzdy eshkimge bermeıtindigimizdi esten shyǵarmaǵan jón», - dedi ol.
Aıta keteıik, Astanada zań ǵylymynyń doktory, professor Qalaýsha Begalıevtiń 90 jyldyq mereıtoıyna arnalǵan halyqaralyq konferentsııa ótýde. Sharadan tys BAQ ókilderine suhbat bergen Lýkın Sırııadan 4 balasymen oralǵan áıeldiń lańkesterge qatysynyń bar-joǵy tekseriletindigin aıtqan edi.
