Shetelde oqıtyn stýdentter qosymsha jumys istese, qandaı jaǵdaıda salyqtan bosatylady
ASTANA. KAZINFORM — Shetelde bilim alyp jatqan stýdentter bos ýaqytynda jumys istep, tabys tapsa, keı jaǵdaıda Qazaqstanǵa salyq tólemeýge quqyly.
Bul jóninde resmı saýalymyzǵa joldaǵan jaýabynda Qarjy mınıstrliginiń Memlekettik kirister komıteti málimdedi.
Komıtet bergen aqparatqa saı, shetelde oqıtyn Qazaqstan azamaty rezıdent sanalady. Qazaqstan rezıdenti shet memlekette jumys istep, tabys tapsa jáne sol elde salyq tólese, onda Qazaqstanǵa jeke tabys salyǵyn tóleýge mindetti emes.
Bul norma Salyq kodeksiniń 638-baby (1-tarmaǵy) men 303-babyna saı júzege asady.
Alaıda ol úshin mynadaı eki negizgi talap oryndalýy kerek:
· Qujatpen rastaý: shetelde salyq tólegenińizdi dáleldeıtin resmı qujatyńyz bolýy shart.
· Lımıt (shekteý): shetelde tólengen salyq Qazaqstannyń zań boıynsha belgilengen jeke tabys salyǵy stavkasy (ıaǵnı, 10%) sheginde bolýy tıis.
Bul ereje shetelde salyq tólegen azamattardy eki ret salyq tóleýden qorǵaıdy.
Aıta keteıik, buǵa deıin «Áleýmettik tólemder bank qosymshalary arqyly avtomatty túrde ustala ma?» degen suraqqa jaýap berip, Salyq kodeksine qandaı ózgerister enetinin jazǵanbyz.
