Shetelde lańkestik toptardyń qatarynda soǵysýdy josparlaǵan 90 qazaqstandyq ustaldy

ASTANA. QazAqparat - Tıimdi júrgizilgen sharalardyń arqasynda Qazaqstanda salafıttik jamaǵattyń 70 jetekshisi men belsendisi qazaqstandyq qoǵamnyń qundylyqtaryna oń kózqaras tanytyp, qoǵam ómirine qaıta oraldy. Bul týraly búgin Úkimet otyrysynan soń tilshilerge bergen suhbatynda Ulttyq qaýipsizdiń komıteti tóraǵasynyń orynbasary Nurǵalı Bilisbekov málim etti, dep habarlaıdy QazAqparat.

«2016 jyly dástúrli emes dinı aǵymdardyń jeteginde erip ketkenderdiń 32,1 protsentine qatysty aldyn alý jumystary júrgizildi. Terrorızmge jáne ekstremızmge qarsy kúres memlekettik baǵdarlamasyn júzege asyrý barysynda 90,7 protsenti qamtyldy. Maqsatty jumystardyń arqasynda Qazaqstanda salafıttik jamaǵattyń 70 jetekshisi men belsendisi qazaqstandyq qoǵamnyń qundylyqtaryna oń kózqaras tanytyp, qoǵam ómirine qaıta oraldy», - deıdi Nurǵalı Bilisbekov.

Sonymen qatar, onyń málimetteri boıynsha, 2016 jyly Qazaqstanda elimizdiń arnaıy organ qyzmetkerleri 12 lańkestik aktsııanyń jolyn kesti.

Jalpy terrorızm men dinı-ekstremıstik qylmystar úshin 123 radıkal sottaldy.

«Shetelde lańkestik toptardyń qatarynda soǵysýdy josparlaǵan 91 qazaqstandyq ustaldy. Qazaqstanǵa 81 stýdent elge qaıtaryldy. 177 adamǵa sheteldik teologııalyq oqý oryndarynda oqý úshin elden ketýge tyıym salyndy», - dep málim etti UQK basshysynyń orynbasary.