Shetelde qazaqstandyq áıel joǵaldy: Týystary Germanııaǵa jetti

ASTANA. KAZINFORM –  Syrtqy ister mınıstrliginiń resmı ókili Aıbek Smadııarov vedomstvonyń baspasóz máslıhatynda Germanııada joǵalǵan Qazaqstan azamatynyń týystary Germanııaǵa jetkenin málim etti.

«Joǵalǵan azamatshamyzdyń sheshesi men aǵasy Germanııada, vıza alýǵa kómektestik. Polıtsııamen tyǵyz baılanystamyz, jumys júrgizip jatyrmyz. Jaqyn arada aqparat bolady dep kútemiz. Ázirshe bar resmı aqparat osy», - dedi mınıstrlik ókili.

Aıbek Smadııarov dıplomattardyń ózge eldegi tergeý jumystaryna kıligýge haqylary joq ekenin eske saldy.

Germanııa polıtsııasy habar-osharsyz ketken Astana qalasy Saryarqa aýdanynyń burynǵy sýdıasy Aıgúl Saılybaevany izdeýge kiriskenin jazǵan edik.