Shetelde qalǵan bolashaqtyqtar memleket qarjysyn óz erikterimen qaıtarýda - Meldeshov

ASTANA. QazAqparat - «Bolashaq» baǵdarlamasymen bilim alyp, shetelde qalyp qoıǵan 155 adam bar. Bul týraly búgin Ortalyq kommýnıkatsııalar qyzmetindegi brıfıngte «Halyqaralyq baǵdarlamalar ortalyǵy» AQ Prezıdenti Janbolat Meldeshov məlim etti, dep habarlaıdy QazAqparat.

«Jalpy, 2005 jyldan bastap stıpendııa sany kúrt ósip, 3 myńǵa deıin jetti. Sol 2005 jyldan beri dıplom alyp, bilim alǵan elinde qalyp qoıǵan 155 adam bar. Olardyń qaryzdary shamamen 1,9 mlrd. teńgeni quraıdy. Onyń shamamen 500 mln. teńgesi qaıtaryldy. ıAǵnı, bul adamdardyń aqshany qaıtaryp berýinde eshqandaı problema týyndap otyrǵan joq», - dedi Meldeshov BAQ ókilderiniń saýalyna oraı.

Onyń atap ótýinshe, olar shetelde jaqsy jumys taýyp, ýaqytsha tájirıbe jınaqtaý úshin qalýy múmkin.

«Aldaǵy ýaqytta olardyń shetelde mol tájirıbe jınap Qazaqstanǵa oralatyndyǵyna úmit artamyn», - dedi ortalyq prezıdenti.