Shetelde ǵylymı taǵylymdamadan ótýge ótinim qabyldaý bastaldy
Ol 2023 jylǵy 15 naýryzǵa deıin jalǵasady. Respýblıkalyq komıssııa grant taǵaıyndaýdy mamyr aıyna deıin júzege asyrady.
«Memleket basshysynyń tapsyrmasy boıynsha jyl saıyn 500 otandyq ǵalymǵa memleket esebinen ǵylymı taǵylymdamadan ótip, álemniń jetekshi zerthanalarynda zertteý júrgizýge múmkindik beriledi. Bıyl ǵalymdardy irikteý krıterııleri jetildirildi. Taǵylymdamadan ótýge bolatyn JOO men ǵylymı ortalyqtar tizimi alǵash ret jasaldy. Zertteýlerdiń ózekti baǵyttary boıynsha mamandyqtar tizimi bekitildi. Sarapshylar komıssııasynyń quramyna qoıylatyn talaptar kúsheıtildi. Endi oǵan ınjenerlik-tehnıkalyq, medıtsınalyq, gýmanıtarlyq jáne jaratylystaný ǵylymdarynyń doktorlary ǵana kiredi», – dep atap ótti «Halyqaralyq baǵdarlamalar ortalyǵy» AQ Basqarma tóraǵasy Ánýar Janǵozın.
