Shetelde ǵylymı taǵylymdamadan ótý qaǵıdasyna ózgerister engiziledi

ASTANA. KAZINFORM — «Úmitkerlerdi irikteý jáne ǵylymı taǵylymdamadan ótý qaǵıdalaryn bekitý týraly» Ǵylym jáne joǵary bilim mınıstriniń buıryǵyna ózgerister engiziledi.

Qujat jobasy ashyq NQA portalynda jarııalandy.

Naqtyraq aıtqanda, orys tilinde ǵylymı taǵylymdamadan ótýge tek orys tili memlekettik jáne (nemese) resmı til bolyp tabylatyn elderde ǵana jol beriledi. Qujattardy qabyldaýdy qaraý nemese olardy qabyldaýdan bas tartý merzimderi 3 (úsh) jumys kúninen 2 (eki) jumys kúnine qysqarady.

Túrik tilin bilýdi rastaıtyn jańa sertıfıkat — TYS-pen tolyqtyrylady. Keshendi testileý kestesinde kelesi kezeńge ótý úshin «psıhologııalyq test» blogyn «jeke saýalnamaǵa» aýystyrý bóliginde ózgeris engiziledi.

Oqytýdyń orys tiline qoıylatyn talaptardy engizý qujattardy qabyldaýdy jáne konkýrs jeńimpazdaryn ǵylymı taǵylymdamaǵa orys tili taǵaıyndalǵan eldiń resmı tili bolyp tabylmaıtyn elderge jiberýdi boldyrmaýǵa múmkindik beredi.

«Ǵylymı taǵylymdamadan ótýge arnalǵan konkýrsqa qatysý úshin qujattardy qabyldaý» memlekettik qyzmetin kórsetý kezinde ákimshiniń neǵurlym jedel jáne jyldam sheshim qabyldaýyn qamtamasyz etý úshin qujattardy qabyldaý merzimi 3 (úsh) kúnnen 2 (eki) kúnge qysqartylady.

TYS ALTE akkredıttelgen, bul TOEFL nemese IELTS-pen salystyrýǵa bolatyn joǵary senimdilik deńgeıin kórsetedi. TYS-ti qosý túrik tilin rastaý sertıfıkatyn alǵan kezde úmitkerler úshin emtıhan túrleriniń keńeıtilgen tańdaýyn qamtamasyz etedi.

Buıryq jobasy 6 mamyrǵa deıin qoǵamdyq talqylaýǵa shyǵarylyp otyr.

Buǵan deıin «Bolashaq» baǵdarlamasyndaǵy til kýrstaryna kim qatysa alatynyn jazǵan edik.