Shetelde demalyp jatqan 4556 qazaqstandyqty elge qaıtarý máselesi sheshilip jatyr

NUR-SULTAN. QazAqparat – Mádenıet jáne sport vıtse-mınıstri Órken Bısaqaev shetelde jemalyp jatqan qazaqstandyqtardy elge qaıtarý máselesi sheshilip jatqanyn aıtty, dep habarlaıdy QazAqparat tilshisi.

«Búgingi tańda týrıstik salanyń jaǵdaıy ońaı emes. Týroperatorlar Qazaqstan azamattaryn shetelge shyǵýyn shekteýge baılanysty shyǵyndardy kóterýde. Bizdiń esep boıynsha tótenshe jaǵdaı boıynsha jalpy somasy 2,7 mlrd teńgeni quraıtyn 5526 adam saparlardan bas tartýy tıis», - dedi Órken Bısaqaev OKQ-da ótken onlaın-formattaǵy baspasóz máslıhatynda.

Onyń aıtýynsha, qazirgi ýaqytta joldamamen 4556 qazaqstandyq shetelde demalyp jatyr.

«Olardyń negizgi bóligi Mysyrda (2246 adam), Birikken Arab Ámirlikterinde (573 adam), Taılandta (466 adam), Úndistanda (2016), Maldıvterde (2044 adam) demalýda. Qazir bizdiń týrısterdi elge qaıtarý boıynsha sharalar qabyldanyp jatyr. Bul týrısterdi ushaqtarmen qamtamasyz etýge bizdiń qazaqstandyq eki áýe kompanııasy - Eır Astana men Skat kompanııasy jaýapty», - dedi ol.

Vıtse-mınıstrdiń aıtýynsha, Eır Astana Almaty-Sharm ál-Sheıh baǵyty boıynsha reısin iske qosýda. Ol reıspen 223 adam qaıtyp keledi.