Shetelde bilim alyp, qyzmet etetin qyzylordalyqtar daýys berdi

QYZYLORDA. QazAqparat - Qyzylorda óńirinde saılaýshylardyń belsendiligi joǵary. Keshki 18.00-degi aqparatqa sáıkes, saılaýshylardyń 65,7 paıyzy tańdaý jasaǵan, dep habarlaıdy QazAqparat.

Tańnan beri ýchaskege daýys berýge asyqqan turǵyndar el úshin mańyzdy qadam jasaýda.

Daýys berý kúni shetelde bilim alǵan syrboıylyq stýdentter de óz tańdaýyn jasady.

Solardyń biri – halyqaralyq, respýblıkalyq baıqaýlardyń laýreaty, jyraýlyq ónerdiń jas órkeni, jyraý Bıdas Rústembekov pen Qarmaqshy aýdandyq Jyraýlar úıiniń dırektory Aıgerim Eshbaevanyń shákirti Malıka Aldamjarova. Ol Ankaradaǵy saılaý ýaskesine kelip, daýys berdi.

Malıka Qorqyt ata atyndaǵy Qyzylorda ýnıversıtetiniń «Dástúrli óner» fakýltetinde bilim alǵan. Búginde Túrkııanyń Ankara qalasynda magıstratýrada oqıdy.

Munan bólek, Koreıada bilim alatyn syrboıylyq jerles Madına Jaqypbekova da daýys berýge asyqqan stýdenttiń biri. Ol árbir jas memleket úshin mańyzy zor naýqanda jaı qarap otyrýǵa bolmaıtynyn tilge tıek etti.

Aıtý kerek, ártúrli memlekette qyzmet etetin qyzylordalyq azamattar da óz ýchaskesinen daýys berdi.

Grekııadan Elena Kalandjıdı, Kanadadan Danııar Qurmanbaev, Koreıadan - Madına Jaqypbek pen Túrkııadan Saǵynysh Nazar, Nazerke Baqtııar, Bekarys Nurıman daýys berdi. Sondaı-aq, «Habar» agenttiginiń Ózbekstandaǵy menshikti tilshisi qyzylordalyq Raýan Myńbaı da óz tańdaýyn jasady.

Eske salaıyq, óńirde 373 saılaý ýchaskesi bar. Onda 486002 saılaýshy tirkelgen.