Shetelde adam urlaǵan kúdikti Aqmola oblysynda ustaldy
KÓKShETAÝ. QazAqparat - Qyrǵyzstan Respýblıkasynda adam urlaý jáne qaraqshylyq qylmys jasaǵany úshin halyqaralyq izdeýde júrgen 29 jastaǵy kúdikti Aqmola oblysynda qolǵa tústi, dep habarlaıdy «QazAqparat» HAA tilshisi.
ІІD baspasóz qyzmetiniń málimetine qaraǵanda, kúdiktini Stepnogorsk qalasyndaǵy kóshelerdiń birinde ketip bara jatqan kezinde tártip saqshylary toqtatqan. Qujattaryn tekserý barysynda kúdiktiniń 29 jastaǵy qazaqstandyq jáne onyń Qyrǵyzstan Respýblıkasynyń ІІM-men QR QK 168 babynyń 2 bólimi (qaraqshylyq) jáne 123 babynyń 2 bólimi (adam tonaý) boıynsha 2014 jyldyń aqpan aıynan beri halyqaralyq izdeýde júrgeni anyqtaldy.
«Qazirgi kezde, kúdikti ustalyp, kýágerlerden túsinikteme alyndy. Tergeý amaldary odan ári jalǵasýda, is materıaldary qyrǵyzstandyq áriptesterge joldandy», dep túsindirdi ІІD baspasóz qyzmeti.
Jalpy, jyl basynan beri oblys aýmaǵynda 75 qylmysker qolǵa tústi. Onyń 16-na halyqaralyq izdeý jarııalanǵan.
