Shetelde 5 mıllıonnan astam qandas turady - Dúnıejúzi qazaqtary qaýymdastyǵy
NUR-SULTAN. QazAqparat – Shetelde 5 mıllıonnan astam etnıkalyq qazaq turady. Bul týraly Dúnıejúzi qazaqtary qaýymdastyǵynyń baspasóz hatshysy Syrymbek Tóleýuly málim etti, dep habarlaıdy QazAqparat tilshisi.
«Ǵalymdar, ár ǵylymı zertteý ortalyǵy túrli málimetterdi keltirip jatyr. Keıbir ortalyqtar sheteldegi etnıkalyq qazaqtar sany 7 mıllıon dese, basqalary ózge málimetterdi jarııalaýda. Bizdegi málimetke qaraǵanda, ıaǵnı resmı derek boıynsha osydan birneshe jyl buryn 5 mıllıon bolǵan. Qazirgi kezde sheteldegi etnıkalyq qazaqtar 5 mıllıonnan asty», - dedi Syrymbek Tóleýuly.
Dúnıejúzi qazaqtary qaýymdastyǵynyń málimetinshe, resmı derek boıynsha etnıkalyq qazaqtar sany 6 mıllıonǵa jetken joq.
«Qandastardyń kóbisi Ózbekstanda, Qytaıda, Reseıde jáne Mońǵolııada ómir súrip jatyr. Túrkııa men Eýropada da bar, biraq aıtarlyqtaı kóp emes», - dedi S. Tóleýuly.
