Shetel valıýtasynyń ózgerýine baılanysty shyǵystardy óteýge 315,6 mlrd teńge baǵyttalady
NUR-SULTAN. QazAqparat - Áleýmettik tólemderdi ındeksatsııalaý jáne shetel valıýtasynyń ózgerýine baılanysty shyǵystardy óteýge 315,6 mlrd teńge baǵyttalady. Bul týraly Úkimet otyrysynda QR Premer-Mınıstriniń birinshi orynbasary - Qarjy mınıstri Álıhan Smaıylov aıtty, dep habarlaıdy QazAqparat tilshisi.
«Osy jyldyń 1 sáýirinen bastap áleýmettik tólemderdi ındeksatsııalaý jáne shetel valıýtasynyń ózgerýine baılanysty shyǵystardy óteý júzege asyrylatyn bolady. Oǵan 315,6 mlrd teńge baǵyttalady», - dedi ol.
Birinshi vıtse-premerdiń aıtýynsha, azamattardy jáne ekonomıkany qoldaýǵa, onyń ishinde Memleket basshysynyń birqatar tapsyrmalaryn iske asyrýǵa 293 mlrd teńge baǵyttaý usynylady.
«Osy qarajat aıasynda ómir sapasyn jaqsartý jáne kirister men suranysty ulǵaıtýmen birge óndiristi yntalandyrýǵa baǵyttalǵan sharalar men jobalardy iske asyrý josparlanyp otyr», - dedi Álıhan Smaıylov.
