Shetel valıýtasyndaǵy depozıtterdiń kólemi 2795,9 mlrd. teńgege jetti - G. Marchenko
ALMATY. 6 naýryz. QazAqparat - Qańtarda zańdy tulǵalardyń depozıtteri 5671,1 mlrd. teńgege jetti, al jeke tulǵalardyń depozıtteri 3402,4 mlrd. teńgeni qurady.
Bul týraly Ulttyq bank tóraǵasy Grıgorıı Marchenko búgin Almatyda qarjy naryǵyndaǵy ahýalǵa arnalǵan baspasóz máslıhatynda aıtty.
Shetel valıýtasyndaǵy depozıtterdiń kólemi 2795,9 mlrd. teńgege jetip, 4,2 paıyzǵa ósti. Onyń ishinde zańdy tulǵalarda - 7,6 paıyzǵa, jeke tulǵalarda 0,6 paıyzǵa artty. Al ulttyq valıýtada 6277,6 mlrd. teńgeni qurap, 0,5 paıyzǵa tómendedi. Sonyń nátıjesinde teńgedegi depozıtterdiń úles salmaǵy bir aıda 70,2-den 69,2 paıyzǵa deıin kemidi.
Bas bankırdiń aıtýynsha, bankterdegi halyqtyń salymdary rezıdent emesterdi qosa eseptegende qańtarda 3438,5 mlrd. teńgeni qurap, 0,9 paıyzǵa ósti. Halyqtyń salymdary qurylymynda teńgedegi depozıtter 2093,6 mlrd. teńge bolsa (1 paıyz), shetel valıýtasyndaǵy depozıtter 1344,9 mlrd. teńgege (0,6 paıyz) jetti. Halyq salymdarynyń quramynda teńgedegi depozıtterdiń úles salmaǵy 60,8-den 60,9 paıyzǵa ulǵaıdy.
