Shetel valıýtasyndaǵy depozıtter 9,1 trln teńgege deıin qysqardy - UB
«Jyl basynan beri alǵash ret qyrkúıektiń qorytyndysy boıynsha depozıtterdiń kólemi ótken jylǵy jeltoqsannyń kórsetkishinen asyp tústi. Jyl basynan beri ósim 2,9 paıyzdy qurady jáne 18,7 trln teńgege jetti. Bul teńgedegi depozıtterdiń 16,3 paıyzǵa nemese 9,6 trln teńgege deıin artýynyń arqasynda boldy», - dedi ol.
Ulttyq bank basshysynyń aıtýynsha, shetel valıýtasyndaǵy depozıtter jyl basynan bastap 8,2 paıyzǵa, ıaǵnı 9,1 trln teńgege deıin qysqardy.
«Ol teńgeniń álsireýi nátıjesinde qaıta baǵalaý, sol sııaqty valıýtadaǵy depozıtterdiń aıtarlyqtaı áketilýi esebinen qysqardy. Teńgedegi depozıtterdiń ósýi dollarlandyrýdyń qyrkúıekte 48,7 paıyzǵa deıin tómendeýine yqpal etti. Ótken jylǵy qańtarda depozıtterdi dollarlandyrý 70 paıyzǵa jetkenin esterińizge sala keteıin», - dedi Danııar Aqyshev.
Ulttyq bank basshysynyń dereginshe, jeke tulǵalar salymdarynyń qurylymynda shetel valıýtasyndaǵy depozıtterdiń úlesi 56,8 paıyzdy, zańdy tulǵalar boıynsha 42,5 paıyzdy qurady.