Shetel týrısterin qazaqtardyń tarıhy men mádenıeti qyzyqtyrady
ASTANA. QazAqparat - Qazaqstan ishindegi týrızmde jaǵajaıdaǵy demalys suranysqa ıe. Bul týraly búgin Astanada Qazaqstan qonaq úıleri men meıramhanalary qaýymdastyǵynyń prezıdenti Rashıda Shaıkenova málim etti.
«Ákimshilik múmkindikter men eldegi týrızm ıdeologııasy turǵysynda týrızm mártebesin arttyrý kerek bolyp tur, ıaǵnı barshamyz Qazaqstanda týrızmge belsendi túrde nazar aýdarýymyz qajet»,-dep toqtaldy R. Shaıkenova Ortalyq kommýnıkatsııalar qyzmetinde ótken Qazaqstannyń ishki týrızmin damytýǵa arnalǵan dóńgelek ústelde.
Onyń paıymynsha, týrızm salasyna salaǵa jaýap beretin departamenttiń de mártebesin kóterý qajettigi týyndap otyr. Osy rette onda bilikti mamandardyń sanyn kóbeıtýge de mán bergen durys.
«Іshki týrızmge toqtalatyn bolsaq, bul turǵyda Qazaqstan azamattaryn qandaı ónimder men qyzmetter qyzyqtyratynyn jiti bilýimiz kerek. Árbir eki jylda bul saladaǵy suranysqa baılanysty zertteý júrgizemiz. Osy oraıda árdaıym jaǵajaı týrızmi birinshi orynda keledi, ıaǵnı bul baǵyt el azamattary úshin eń kóp suranysqa ıe bolyp otyr. 2014 jyly zertteý barysynda jaǵajaı týrızmimen qatar, emdeý-saýyqtyrý týrızminiń úlesi arta bastaǵanyn ańǵardyq. Sondyqtan da búginde ishki týrızmdi damytýda atalǵan eki segmenke qoldaý jasaý qajet»,-dedi R. Shaıkenova.
Sonymen qatar ol búginde qazaqstandyq týrıster kórsetiletin qyzmetterdiń sapasyna aıryqsha mán beretinin , osy rette salada qyzmet etetinder bul máselege nazar aýdarýy tıistigin qadap aıtty.
«Al elimizge saparlap keletin sheteldik týrısterge qazirgi kezde áralýan tabıǵatymyzdy jáne erekshe mádenıetimizdi, salt-dástúrimizdi usyna alamyz. ıAǵnı osy baǵytta halyqaralyq týrısterge elimizdiń ózindik ereksheligi, tarıh pen mádenıet, túrki órkenıeti qyzyqty. Atap aıtqanda, bundaı ereksheliktermen biz maqtana alamyz»,-dedi qaýymdastyq prezıdenti.
