Shetel marketpleısteri jumysyna jeńildik jasaldy - Memlekettik kirister komıteti
«Bul salyq ınternet jelisinde Qazaqstan azamattaryna taýar satyp, qyzmet kórsetetin shetel kompanııalaryna arnalǵan. Bul salyq túri bıyldyń basynan engizildi. Qazirgi kezde elimiz azamattaryna taýar ótkizip, qyzmet kórsetip jatqan 30-dan astam kompanııa tirkeldi. Internet-kompanııalardyń QQS tóleýi normasy shetel kompanııalaryna qatysty», - dedi N. Qýandyqov onlaın brıfıng barysynda.
Osy oraıda ol QQS mólsherlemesi 12 paıyz ekenin eske saldy. Bul salyq álemniń birqatar elinde qoldanylyp keledi.
«Biz barynsha tirkeý rásimin jeńildetýge tyrystyq. Ol úshin ońtaılatylǵan tártipte komıtetke hat joldaıdy. Osy hatta salyq tóleýshiniń tirkeý málimetteri, uıymnyń ataýy, bank derektemesi kórsetilýi tıis», - dedi komıtet ókili.
Sonymen qatar, sheteldik kompanııany sáıkestendiretin belgilerdiń biregeı jıyntyǵy sanalatyn Merchant ID tapsyrylýy kerek. Merchant ID sheteldik ınternet-kompanııalar beretin rekvızıtterdiń sanatyna jatady. Ol boıynsha bankter tıisti tólemder men aqsha aýdarymdaryn sáıkestendiredi.
«Shetel marketpleısterine jáne elektrondy nusqada qyzmet usynatyndarǵa bizdiń naryq tartymdy bolýy úshin deklaratsııa tapsyrýǵa qatysty jumystardy jeńildettik», - dedi Nurjan Qýandyqov.
Budan buryn habarlanǵandaı, 2022 jylǵy 1 qańtardan bastap Salyq kodeksiniń Qazaqstan aýmaǵynda ornalasqan jeke tulǵalarǵa satylǵan taýarlary, kórsetilgen qyzmetteri úshin sheteldik ınternet-kompanııalardyń QQS tóleý jónindegi mindettemeleri týraly normalary kúshine endi (Google salyǵy).
Ulttyq ekonomıka mınıstrliginen málim etkendeı, qyzmetteri men taýarlaryn onlaın platformalar arqyly satatyn barlyq sheteldik kompanııalar Qazaqstan bıýdjetine QQS tóleýge mindetti bolady.
Aıta keteıik, QQS mólsherlemesi satylǵan taýarlar men qyzmetter somasynyń 12% quraıdy. Munyń qazaqstandyq salyq tóleýshilerge qatysy joq.
