Shetel ınvestorymen navıgatsııalyq júıeler týraly kelisimniń talaptary qaıta qaralady

ASTANA. QazAqparat – Aýyl sharýashylyǵy mınıstri Erbol Qarashókeev 2022 jyly agroónerkásiptik keshen salasynda 4,5 mlrd teńge memlekettik sýbsıdııa ne sebepti ıgerilmegenin túsindirdi, dep habarlaıdy QazAqparat tilshisi.

«2022 jyldyń qorytyndysy boıynsha 4,5 mlrd teńge (sýbsıdııa) ıgerilmedi. Bul qarajat aýyl sharýashylyǵy taýaryn óndirýshiler Valmont navıgatsııalyq júıelerin satyp alýyn qarjylandyrýǵa jáne ınfraqurylymdy daıyndaýǵa arnalǵan edi», - dedi E. Qarashókeev Májilistiń jalpy otyrysynda Úkimettiń 2022 jylǵy respýblıkalyq bıýdjettiń atqarylýy týraly esebin qaraý kezinde.

Bul turǵyda qarajattyń ıgerilmeýi sebebin túsindirdi.

«Bul baǵdarlamany Valmont kompanııasymen arada jasalǵan kelisim aıasynda iske asyrý josparlanǵan edi. Degenmen, kelisimdi júzege asyrý barysynda memlekettik organdar jaǵynan suraqtar boldy. ıAǵnı osy kelisim boıynsha júktelgen mindettemelerdiń talaptary men deńgeıine qatysty tekserildi. Byltyr jáne bıyl kelissózderdi jalǵastyryp jatyrmyz. Bul protseske biraz ýaqyt kerek. Atap aıtqanda, kelisimsharttyń tıisti talaptaryn qaıta qarap jatyrmyz, shetel ınvestorymen kelissózdi jalǵastyramyz», - dedi mınıstr.