Shetel ınvestıtsııasyn tartyp qana qoımaı, ony ustap qalýǵa da kúsh salamyz - Qasymbek
ASTANA. QazAqparat - Búgin Astanada shet memleketterdiń elshilerine Qazaqstannyń ınvestıtsııalyq strategııasy tanystyryldy. Jıynǵa QR Premer-Mınıstri Baqytjan Saǵyntaevtyń ózi tóraǵalyq etti, dep xabarlaıdy QazAqparat tilshisi.
QR Investıtsııalar jáne damý mınıstri Jeńis Qasymbektiń aıtýynsha, sońǵy bes jyldyń ishinde elimizde ınvestıtsııalar salasyndaǵy zańnama túbegeıli ózgerdi. Búginde atalǵan normatıvtik aktiler xalyqaralyq talaptarǵa saı keledi. Budan bólek, birqatar memleketter úshin kóshi-qon zańnamasy jaǵynan jeńildik jasaldy. Investorlar úshin vızalyq jeńildik qana emes, salyq, keden men ruqsat berý boıynsha yńǵaıly jaǵdaılar jasaldy. "Osynyń arqasynda Qazaqstan Dúnıejúzilik banktiń "Doing Vusiness" reıtıngisinde 41-shi orynnan 35-orynǵa deıin kóterildi. Al ótken jyldyń qorytyndysy boıynsha elimizge tartylǵan sheteldik ınvestıtsııalardyń jalpy kólemi 20,6 mlrd. dollarǵa deıin ósti. Bul 2015 jylmen salystyrǵanda 40 protsentke artyq. Ol aqshanyń basym bóligi taý-ken, óńdeý kásibi, elektr energııasymen qamtamasyz etý men aqparattyq texnologııalarǵa salynady. Óńdeý kásibin alatyn bolsaq, onyń ishinde metallýrgııa, xımııa ónerkásibi men mashına jasaý salasyna salynatyn ınvestıtsııalar artyp keledi", - deıdi Qasymbek.
Onyń aıtýynsha, Qazaqstan ekonomıkasyna ınvestıtsııa salý jaǵynan Nıderlandy kósh bastap tur. Odan keıin AQSh, Shveıtsarııa, Frantsııa, Qytaı men Ulybrıtanııa keledi.
"Bıyldan bastap shetel ınvestıtsııalaryn tartý júıesi qaıta qaralyp jatyr. Osyǵan oraı, bizdiń aldymyzǵa jańa mindetter qoıylyp otyr. Birinshiden, shetel ınvestıtsııalaryn tartyp qana qoımaı, ony ustap qalý qajet. Reınvestıtsııalar (salynǵan aqshadan túsken paıdany qaıtadan sol nysanǵa salý - avt.) úshin barlyq jaǵdaılardy jasaý mańyzdy. Ol úshin bıyl maýsym aıynyń aıaǵyna deıin biz Dúnıejúzilik bankpen birlese otyryp, ınvestıtsııalardy tartýdyń ulttyq strategııasy daıarlanatyn bolady. Strategııa ınvestıtsııany qaıdan, qalaı jáne qaı salaǵa tartý qajet ekenin aıqyndaıdy. Atalǵan qujatta memlekettik organdar, ulttyq kompanııalar men jergilikti atqarýshy organdarynyń osy saladaǵy jumysyn úılestirýdiń naqty mexanızmi jazylady", - dep atap kórsetti mınıstr.
Qazaqstanda ınvestıtsııalardy tartý jumysymen naqty bir kompanııa aınalysady. Ol - "Kazakh Invest" ulttyq kompanııasy. Búginde onyń shetelde jáne jergilikti jerlerde arnaıy bólimsheleri jumys isteıdi. Kompanııa Úkimettiń atynan barlyq kelissózderdi júrgizetin bolady. "Bylaısha aıtqanda, Kazakh Invest ınvestorlar úshin Qazaqstanǵa kiretin esik sııaqty bolady. Ol ınvestorlardy elimizge kirgizip qana qoımaı, kelissózderden bastap naqty jobany iske qosýǵa deıingi jumyspen aınalysatyn bolady. Al kompanııanyń jergilikti jerdegi ókilderi oblys ákimderiniń keńesshisi qyzmetin qosa atqarady", - deıdi Qasymbek.
Aıta keteıik, Úkimet basshysy Baqytjan Saǵyntaev Qazaqstanǵa tartylǵan ınvestorlardyń aımaqtarda birqatar kedergilerge tap bolatynyna alańdap otyr. Sonyń biri - jergilikti bıliktiń til bilmeýi.
