Shetel ınvestıtsııasyn «aq munaıdy» óndirýge salý qajet - Memleket basshysy
ASTANA. QazAqparat - QR Prezıdenti Nursultan Nazarbaevtyń sırek kezdesetin metaldardy óndirý salasyna basymdyq berýdi tapsyrdy. Sonyń ishinde «aq munaı» dep atalatyn lıtıı óndirisin erekshe atap ótti, dep habarlaıdy QazAqparat tilshisi.
«Búginde álem boıynsha sırek kezdesetin metaldardyń negizinde jańa tehnologııalar jasalady. Atalǵan protsess barǵan saıyn kúsheıe túsedi. Sarapshylardyń aıtýynsha, 2025 jyly «lıtıı» atty sırek kezdesetin metalǵa degen suranys úsh esege artyp, álem boıynsha 550 myń tonnaǵa deıin jetedi. Sol sebepti lıtııdi «aq munaı» dep atap ketken. Qazaqstanda sırek kezdesetin metaldardyń túr-túri bar. Lıtıı de joq emes», - dedi Nursultan Nazarbaev Sheteldik ınvestorlardyń búgingi otyrysynda. Osy oraıda Memleket basshysy lıtııdi óndirý salasyna shetel ınvestıtsııalaryn salý máselesin qarastyrýdy tapsyrdy.
Aıta keteıik, búgingi otyrysta Memleket basshysy Qazaqstandaǵy tabıǵı baılyqtardyń jalpy qoryn jarııalap, ınvestorlardy óz aqshalaryn el ekonomıkasyna kópten salýǵa úndedi . Sondaı-aq, Elbasy balamaly energetıkany damytý bolashaǵy týraly aıtyp berdi. Al QR Investıtsııalar jáne damý mınıstri Jeńis Qasymbek «Astana» halyqaralyq qarjy ortalyǵyn qurý boıynsha esep berdi. Onyń aıtýynsha, atalǵan ortalyq kelesi jyldan bastap tolyqqandy jumys isteı bastaıdy .
