Shetel ǵalymy stýdenttermen birigip Pavlodardyń 3D kartasyn jasamaqshy
ASTANA. QazAqparat - S.Toraıǵyrov atyndaǵy PMÝ stýdentteri men AQSh-tyń Kolorado ýnıversıtetinen kelgen ǵalym Melında Laıtýrı Pavlodar qalasynyń 3D kartasyn jasamaqshy, dep habarlaıdy pavlodarnews.kz.
Ýnıversıtetiniń baspasóz qyzmetiniń habarlaýynsha, oqý ornynda geografııa professory Melında Laıtýrı jumys saparymen kelip, «Týrızm» kafedrasynyń oqytýshylary jáne jas ǵalymdarymen kezdesken.
- Biz Pavlodar qalasynyń kóliktik-logıstıkalyq habtary úshin masshtabty kartalardy qura alamyz. Quramyna qalanyń derekqory, ınfraqurylymdary enetin kartalardy jasaý úshin ArcGIS (Open Source) bastapqy ashyq kodymen mamandandyrylǵan baǵdarlamalyq qamtamasyz etýdi qoldanyp júrmiz. Mundaı ónim Pavlodardaǵy ishki naryqta usynylǵan ónimderden áldeqaıda sapaly. Baǵdarlamalyq ónimniń negizgi erekshelikteriniń biri - kólemdi 3D karta qurylymy. Sondaı-aq, ashyq júıeli kod esebimen 3D kartografynyń ıkemdiligi, - deıdi Melında Laıtýrı.
Aıta keterligi, ArcGIS platformasynda Pavlodardyń kartografııalyq modelindegi ınfraqurylym elementteriniń qataryna bilim berý, basqarý, mádenıet salalaryn qosýǵa bolady. Bul joba álemniń Efıopııa, Nepal, Kolýmbııa, Perý, Ýkraına, Indonezııa syndy memleketteriniń alty shaharynda iske qosyldy.
