Shetel fılmderin qazaq tiline dýblıajdaýǵa memleket tarapynan qoldaý kórsetiledi

NUR-SULTAN. QazAqparat – Ulttyq fılmderge qarastyrylatyn qarajatty bólýdiń jańa tásilderi qarastyrylyp otyr. Bul týraly Májilistiń jalpy otyrysynda kınematografııa jáne mádenıet máseleleri boıynsha zań jobasyn talqylaý kezinde Mádenıet jáne sport mınıstri Dáýren Abaev aıtty, dep habarlaıdy QazAqparat tilshisi.

«Shetel anımatsııalyq fılmderin jáne otbasylyq fılmderdi qazaq tiline dýblıajdaýdy memlekettik qoldaý qarastyrylǵan. Olardy irikteý tártibi men krıterııleri anyqtaldy», - dedi D. Abaev.

Sonymen qatar ol elimizde fılm túsirýge sýbsıdııa alýǵa úmitker halyqaralyq kınostýdııalarǵa qoıylatyn talaptar jeńildetiletinin aıtty.

«Qoldanystaǵy mehanızmge sáıkes, ınvestordyń mınımaldy jarnasy 130 myń AEK bolýy kerek. Bul shamamen 850 myń AQSh dollaryn quraıdy. Óz aýmaǵynda halyqaralyq kınojobalardy sátti júzege asyrý tájirıbesi joq memleket úshin mundaı kórsetkish tym joǵary. Osy oraıda, «Kınematografııa týraly» zańnyń 15-shi babynan Qazaqstan Respýblıkasynyń aýmaǵyndaǵy fılm óndirisine salynatyn qarajattyń tómengi shegi sózi alynyp tastalady», - dedi mınıstr.

Onyń sózine qaraǵanda, ulttyq fılmderge qarastyrylatyn qarajatty bólýdiń jańa tásilderi usynylady. ıAǵnı 70 paıyzy tarıhı, patrıottyq jáne ımıdjdik jobalarǵa, 30 paıyzdy jeke kınojobalardy qosalqy qarjylandyrýǵa eskerilgen.

Budan buryn habarlanǵandaı, Májilistiń jalpy otyrysynda «Qazaqstan Respýblıkasynyń keıbir zańnamalyq aktilerine kınematografııa jáne mádenıet máseleleri boıynsha ózgerister men tolyqtyrýlar engizý týraly» zań jobasy maquldandy.