Shetel azamaty Aqmola oblysynda jol apatyn jasap, bir adam kóz jumdy
KÓKShETAÝ. QazAqparat – Aqmola oblysynda «Nur-Sultan – Petropavl» tasjolynyń 313-shaqyrymynda kólik apatynan bir adam kóz jumyp, taǵy biri zardap shekti, dep habarlaıdy QazAqparat.
«Oqıǵa ornyna jetken tártip saqshylary anyqtaǵandaı, Petropavl qalasyna baǵyt alǵan «Renault» júk kóligi joldyń qarsy baǵytyna shyǵyp ketip, «Volkswagen Passat» jeńil kóligimen soqtyǵysqan. Saldarynan jeńil kóliktiń 51 jastaǵy júrgizýshi sol jerde kóz jumdy. Al, onyń jolaýshysy 47 jastaǵy áıel dene jaraqatyn aldy. Jol apatyna sebepker júk kóliginiń 55 jastaǵy júrgizýshisi Ýkraına eliniń azamaty. Apat aldynda onyń «júrek talmasy» ustap qalǵan», - dedi oblystyq Polıtsııa departamentiniń baspasóz qyzmetinen.
Vedomstvodan atap ótkendeı, qazirgi kezde adam ólimine alyp kelgen jol apatyna baılanysty QR QK-niń 345-baby 3-bóligi boıynsha sotqa deıingi tergeý amaldary júrgizilýde.
