Shetel azamattarynyń zańsyz mıgratsııasyn uıymdastyrǵan qylmystyq top ustaldy
"QR ІІM Krımınaldyq polıtsııa departamenti men Kóshi-qon qyzmeti komıtetiniń qyzmetkerleri Almaty qalalyq polıtsııa departamentiniń kómegimen Qytaı men Ózbekstan azamattarynyń zańsyz mıgratsııasyn uıymdastyrýmen aınalysqan qylmystyq toptyń qyzmetin toqtatty. 31 qańtar kúni Shymkent qalasynda arnaıy operatsııa júrgizý barysynda jaýapkershilik shekteýli seriktesterdiń biriniń aýmaǵynan 73 QHR jáne 137 Ózbekstan azamaty ustaldy. QHR azamattarynyń Qazaqstan Respýblıkasynyń aýmaǵyna tranzıttik áýe reısterimen kelip, odan keıin zańnamany buza otyryp, el aýmaǵynda zańsyz qalǵany anyqtaldy", - dedi ol.
Departament basshysynyń aıtýynsha, qazirgi ýaqytta atalǵan sheteldik azamattardy el aýmaǵynan shyǵarý máselesi sheshilip jatyr.
"Mıgratsııanyń zańsyz arnasyn atalǵan JShS-niń basshysy bolyp tabylatyn QHR-diń eki azamaty men Qazaqstannyń bir azamatshasy uıymdastyrǵan. Olar ustaldy. QR QK 394 baby 2 tarmaǵy boıynsha sotqa deıingi tergeý amaldary júrgizilip jatyr", - dedi Almas Sadýbaev.
Sonymen qatar ol Almaty qalasynda Qazaqstan aýmaǵyna zańsyz kelgen Qytaıdyń 9 azamatymen olardy alyp júrgen Qazaqstan azamatynyń ustalǵandyǵyn jetkizdi.
"Sheteldikter sot sheshimimen el aýmaǵynan shyǵarylyp, qaıta kelýge shekteý qoıyldy", - dedi ol.