Shetel azamattarynyń zańsyz kóshi-qonyn uıymdastyrǵan qylmystyq top sottaldy
«Elimizge AQSh-tan zergerlik buıymdar men sırek kezdesetin zattardy kontrabandalyq jolmen ákelý boıynsha uıymdasqan qylmystyq toptyń qyzmeti toqtatyldy. Ózbekstan men Tájikstan azamattarynyń zańsyz kóshi-qonyn uıymdastyrýymen aınalysqan, quramynda 32 adamy, onyń ishinde UQK Shekara qyzmetiniń 14 áskerı qyzmetshisi jáne kóshi-qon polıtsııasynyń 4 qyzmetkeri bar uıymdasqan qylmystyq top músheleri sottaldy», - delingen atalǵan vedomstvo taratqan málimette.
Sonymen qatar prokýrorlardyń aldyn alý sharalarynyń nátıjesinde asa aýyr qylmystar 58, aýyr qylmystar 2, aýyrlyǵy ortasha qylmystar 9 jáne aýyr emes qylmystar 37 paıyzǵa tómendedi.
Tsıfrlandyrý baǵdarlamasy aıasynda elektrondyq formatta 52 qylmystyq is tergelip, onyń ishinde 47-si aıaqtaldy, 5-ýi sotqa joldandy. Sottar 1 302 adamǵa qatysty 1 105 qylmystyq is qarady. Bas bostandyǵynan 84 adam aıyryldy. Engizilgen apellıatsııalyq ótinishter sany 2017 jylmen salystyrǵanda 3 esege ósti. Olardy qaraý nátıjeleri boıynsha 47 adamǵa qatysty 33 is boıynsha sottardyń qatelikteri túzetildi.
