Shetel azamattaryna ruqsat rásimdeýden Qyzylorda oblysy bıýdjetine 151 mln teńge tústi
QYZYLORDA. QazAqparat - Ótken jyldyń 12 aıynda Kóshi-qon polıtsııasy qurylymdarynyń qyzmetkerlerimen oblys aýmaǵyna kelýshi shetel azamattaryna baqylaý jasaý, kóshi-qon zańnamasyn buzǵan sheteldikterdi anyqtaý jáne olardy ákimshilik jaýapkershilikterge tartý baǵytynda birshama jumystar atqaryldy.
Bul týraly QazAqparat HAA tilshisi oblystyq ІІD silteme jasap habarlady.
Jalpy jyl basynan oblys aýmaǵyna túrli maqsattarmen kelgen 31 528 shetel azamattary ýaqytsha tirkeýge alyndy, onyń 1 266 alys shetelderden, al 30 262 TMD elderinen kelgender.
Oblys kóleminde zańsyz kóshi-qonǵa qarsy kúresý maqsatynda arnaıy reıdtik is-sharalar júrgizildi. Nátıjesinde kóshi-qon zańnamasyn buzǵan 5426 sheteldik anyqtalyp, olardyń barlyǵy ákimshilik jaýapkershilikke tartyldy. 160 TMD elderiniń azamattary respýblıka aýmaǵynan alastatyldy.
Ózbekstan Respýblıkasynyń 21 azamatyna jáne Qytaı halyq respýblıkasynyń bir azamatyna qatysty Qazaqstan Respýblıkasynyń Qylmystyq kodeksiniń 393-baby boıynsha, 2 azamatyna Qylmystyq kodekstiń 392-baby boıynsha, 8 QR azamatyna Qylmystyq kodekstiń 394-baby boıynsha qylmystyq ister qozǵaldy. Azamattyq protsessýaldyq kodeksiniń 382-baby boıynsha Ózbekstan Respýblıkasynyń 21 azamaty anyqtalyp, onyń 7-ýi respýblıka aýmaǵynan shyǵaryldy.
2016 jyldyń 12 aıynda kóshi-qon polıtsııasy bólinisterimen 15 mln. 681 myń 205,5 teńge aıyppul salynyp, onyń 15 mln. 060 myń 805,5 teńgesi óndirildi.
Búgingi tańda, oblysqa kóship kelýshilerdiń eńbegin zańdastyrý jáne memleket paıdasyna salyq óndirýdi arttyrý maqsatynda Memlekettik kirister departamentimen birlesken jumystar atqarylýda.
Nátıjesinde ótken jyldyń 12 aıynda 13 700 ruqsat berilip, jergilikti bıýdjetke salyq tólemi retinde 151 mln 471 myń 816 teńge quıyldy.
