Shetel azamatyna qashyqtan shot ashqan bankke zań buzǵany úshin aıyppul salyndy

TALDYQORǴAN. KAZINFORM – Bankke aıyppul salyndy, qyzmetkerlerine qatysty sotqa deıingi tergep-tekserý júrgizilip jatyr. 

Jetisý oblysynda ınternet-alaıaqtyqqa qarsy sharalardy kúsheıtý jumystary jalǵasyp jatyr.

Zań boıynsha rezıdent emesterge shottardy qashyqtan ashýǵa jáne tólem kartalaryn shyǵarýǵa tyıym salynǵan, kerisinshe bank qyzmetkeri shet memlekettiń azamatyna onyń jeke qatysýynsyz esepshot ashqan.

Esepshotty keıinnen ınternet-alaıaqtar azamattardan urlanǵan qarajatty aýdarý úshin paıdalanǵan.

— Bank Ákimshilik quqyq buzýshylyq týraly kodeksiniń 214-babynyń 4-bóligi (qarjy monıtorıngi sýbektileriniń klıentterdi tıisinshe tekserý jónindegi sharalardy qabyldamaýy) boıynsha jaýapkershilikke tartyldy, — delingen Jetisý oblysynyń prokýratýrasy habarlamasynda.

1 000 000 teńgeden astam somaǵa sot salǵan aıyppuldy bank tóledi.

Bank qyzmetkerlerine qatysty Qylmystyq kodeksiniń 254-baby (mindetterine adal qaramaý) boıynsha sotqa deıingi tergep-tekserý bastaldy. 

Aıta ketelik Shymkentte 200-den asa adamdy aldaǵan qarjy pıramıdasynyń jumysy toqtatyldy.