Shetel azamaty qyzyn tabýǵa kómektesken Ulttyq ulannyń qyzmetkerlerine alǵys aıtty

ASTANA. KAZINFORM - QR ІІM Ulttyq ulannyń áskerı qyzmetshileri V Dúnıejúzilik kóshpendiler oıynyn tamashalaýǵa kelip, qyzyn joǵaltyp alǵan Túrik eliniń azamatyna kómektesti. 

Polisia.kz-tiń habarlaýynsha, oqıǵa 8 qyrkúıekte etnoaýyl qalashyǵynda bolǵan. Kishi serjant Raýan Imanberdıev pen efreıtor Nurdos Manas qaraýsyz qalǵan, jylap turǵan qyzdy baıqap qalǵan. Dereý ata-anasyna izdeý salǵan áskerı qyzmetshiler kóp uzamaı qyz balanyń ákesin tapty.

Aıta ketsek, 8-13 qyrkúıek aralyǵynda ótkizilip jatqan aýqymdy is-sharada qaýipsizdikti qamtamasyz etý – basty nazarda. Іshki ister organdary qyzmetkerleri qala turǵyndary men qonaqtardyń tynyshtyǵyn saqtaý maqsatynda kúsheıtilgen rejımde qyzmet etip jatyr. 

Eske sala keteıik, buǵan deıin Astanada dúnıejúzilik kóshpendiler oıyndarynyń saltanatty ashylý rásimi bastalǵanyn jazǵan edik.