Shetel asqan bilikti mamandardy qaıtarý úshin ne isteý kerek
«Emıgratsııa (elden kóship ketý) orta elderde ǵana emes, damyǵan memleketterde de baıqalatyn úrdis. Ótken ǵasyrdyń 50-60 jyldary Taıvan jastary AQSh-ta medıtsına boıynsha bilim alyp, sonda qalǵan edi. Biraq, 1970 jyldary bilikti dárigerler otanyna oraldy. Germanııa da birneshe jyl buryn joǵary bilimdi azamattardyń AQSh-qa kóship jatqanyn aıtyp, dabyl qaqqan bolatyn. Biraq, Federaldyq ınstıtýt júrgizgen zertteý nátıjesinde AQSh-qa ketkenderdiń 80% bes jylda qaıta oralǵanyn bildik. ıAǵnı, bul másele muqııat zertteýdi qajet etedi. Aqyldy azamattardyń shetel asyp ketýi dep aıtýǵa erte», - dedi professor L. N. Gýmılev atyndaǵy Eýrazııa ulttyq ýnıversıtetinde ótken «Mıgratsııa: jańa úrdister men baǵyttar» dóńgelek ústelinde.
Professordyń aıtýynsha, shetel asqan bilikti mamandardyń qaıtyp oralýy memlekettiń ózine baılanysty. Ol úshin mamandarǵa jaǵdaı jasap, eńbek talaptaryn barynsha yńǵaıly etýi kerek.
«Munda bilikti mamandardyń aınalymy (Tsırkýlıatsııa mozgov) máselesi de bar. Máselen, kanadalyq dárigerler jaıly ómir izdep, AQSh-qa kóshedi. Olardyń ornyn ońtústikafrıkalyq dárigerler basady. Ońtústik Afrıkaǵa Malavıden dárigerler aýysady. Al Malavıdegi dárigerler ornyna eshkim barmaıdy. ıAǵnı, damyǵan elder ketken mamandar ornyn op-ońaı tolyqtyrady. Al jaǵdaıy tómen elder maman daıyndap, olardy syrtqa jiberip, shyǵynǵa ushyraıdy. Eń bastysy, memleketter osy tizbekte qaı orynda turǵanyn anyqtaýy kerek», - dedi Tomas Faıts.
Aıta keteıik, erteń Astanada Konrad Adenaýer qordyń Qazaqstandaǵy ókildigi men Qazaqstan halqy assambleıasy «Qazaqstan men Germanııanyń ıntegratsııalyq saıasaty. Salystyrmaly saraptama» taqyrybynda halyqaralyq konferentsııa ótkizedi.
