Shet tili pánderinen sabaq beretin aýyldyq jerdiń muǵalimderi ózderiniń biliktilikterin jetildirýde
ALMATY. 26 naýryz. QazAqparat /Ádilet Musahaev/ - Abylaı han atyndaǵy Qazaq halyqaralyq qatynastar jáne álem tilderi ýnıversıtetinde shet tili páninen sabaq beretin aýyldyq jerdegi muǵalimderdiń bilimin jetildirýge arnalǵan semınar ótip jatyr.
Semınarǵa Almaty, Jambyl jáne Ońtústik Qazaqstan oblystarynyń ustazdary qatysýda. Atalǵan joǵary oqý ornynyń basshylyǵy semınarǵa qatysýshylardyń jolyn, jatatyn jeri men tamaǵyn óz moıyndaryna alǵan. Sondaı-aq shara aıasynda mádenı baǵdarlamalar da qarastyrylǵan.
"Bul sharanyń negizgi maqsaty - pedagogıkalyq tájirıbe almasyp, shet tilinen sabaq berýdegi olardyń kásibı biliktiligin arttyrý bolyp tabylady. Sonymen qatar 2011-2020 jyldary bilimdi damytý memlekettik baǵdarlamasy iske qosyldy. Bizdiń ýnıversıtet sonyń iske asýyna óz úlesin qosýda", deıdi atalǵan joǵary oqý ornynyń rektory Sálıma Qunanbaeva.
Shara barysynda "Jalpy bilim berý mektepterindegi shet tili biliminiń qazirgi kúıi" taqyrybynda dóńgelek ústel ótip, tilge qatysty trenıngter men sheberlik-synyptary kórsetiledi.
