Shet tilderin óte jyldam meńgerýge kómektesetin baǵdarlama shyqty

ASTANA. QazAqparat - Fızıka ǵylymdarynyń doktory Maıt Mıýntel til úıretetin baǵdarlama jasap shyǵaryp, ol lezde ınvestorlardyń kóńilinen shyǵyp, 1 mln. eýro bólindi. Jańa kompıýterlik baǵdarlama eń úzdik startap degen baǵa aldy. Bul týraly rosbalt.ru habarlady.

Barlyǵy bylaı bastalǵan. Maıt Mıýntel Eýropalyq ıadrolyq zertteýler ortalyǵynda (CERN) frantsýzdarmen birge jumys istep júrip, shet tilin úırenýge degen qajettilikke tap bolady. Mıýntel eski ádet boıynsha kitaptar jattap, aýdıojazbalar tyńdaýǵa ýaqytyn sarp etpedi. Ol kompıýterlik baǵdarlama jasap shyǵaryp, sonyń kómegimen 2 aıdan keıin frantsýzdyq áriptesterimen emin-erkin tildese bastaıdy.

«Men aldyma til úırený úderisin barynsha ońtaılandyrýdy basta maqsat etip qoıdym. Meniń baǵdarlamam til úırenýshiniń deńgeıin ólsheıdi de, buryn biletinderi men qajetsiz nárselerdi úıretýdiń ornyna eń basty máselege zer salǵyzady», - deıdi ǵalym.

Mıýnteldiń aıtýynsha, qazirgi qoǵamda shet tilderin bilý aýadaı qajet. Degenmen, kóp adamdar bul óte uzaq ári jalyqtyratyn is dep túsinedi. Sondyqtan olar til úırenýden bas tartyp, esesine kareradaǵy jáne ómirdegi kóptegen áleýetinen qaǵylady. Al tólep oqysa, qyrýar qarajat ketedi.

«Meniń baǵdarlamam aqshany da, ýaqytty da únemdeıdi», - deıdi ǵalym.