Shet memleketterdegi 14 myń QR azamattary kezekten tys prezıdent saılaýynda daýys bermek- SІM
ASTANA. 18 naýryz. QazAqparat /Aıdar Ospanalıev/ - 3 sáýirge taǵaıyndalǵan kezekten tys Prezıdent saılaýynda shet memleketterdegi 14 myń Qazaqstan azamattary daýys bermek.
Bul týraly búgin Ortalyq saılaý komıssııasynyń kezekti otyrysynda Syrtqy ister mınıstrliginiń Ákimshilik jáne baqylaý departamentiniń dırektory Qaırat Sátjanov málim etti.
Onyń sózine qaraǵanda, shet memleketterdegi saılaý ýchaskeleriniń eń irileri Qytaı, Reseı, Túrkııa elderinde ornalasqan. «Qazirgi tańda Syrtqy ister mınıstrligi vedomstvonyń Ortalyq apparatynyń qyzmetkelerin shet memleketterge issaparǵa jiberý máselesin pysyqtaýda. Mınıstrlik ókilderi shetelderdegi ýchaskelik saılaý komıssııalaryna tájirıbelik kómek kórsetedi»,-dedi departament dırektory.
Onyń sózine qaraǵanda, daýys berýshilerdiń neǵurlym kóp bolýyn qamtamasyz etý úshin elimizdiń shet memleketterdegi elshilik ókilderi azamattarǵa jeke-jeke telefon shalyp, saılaýdyń ótetindiginen habardar etýde. «Biz sonymen qatar sheteldegi saılaý ýchaskelerine halyqaralyq baıqaýshylar men buqaralyq aqparat quraldaryn da shaqyryp otyrmyz. Bul baǵyttaǵy jumystardyń barlyǵy ashyq ári jarııaly túrde júrgizilýde»,-dedi Q.Sátjanov.
