Shet memleketterde bilim alyp kelgen túlekter el aımaqtarynda da jumyspen qamtylýy kerek - Bilim jáne ǵylym mınıstrligi

A. Qarashanyń 25-i. QazAqparat /Rýslan Ǵabbasov/ - Búgin elordada ótip jatqan «Bolashaq túlegi - 2009: áleýetti  ıgerý» forýmynda atalǵan baǵdarlama aıasynda bilim alǵan birqatar úzdik túlekter Bilim jáne ǵylym mınıstrligine jumysqa shaqyryldy,

 dep habarlaıdy QazAqparat. 

 «Negizinen túlekter Astana men Almatyda jumys isteıdi. Atap aıtqanda, el aımaqtary endi qamtylýy tıis. Óńirlerdi de damytý qajet. Sondyqtan bul máseleni baqylaýda ustap otyrmyz»,  dedi Bilim jáne ǵylym mınıstri Janseıit Túımebaev atalǵan forýmda sóılegen sózinde.

 Sonymen otyrys barysynda Bilim jáne ǵylym mınıstri baǵdarlama aıasynda oqýlaryn támamdaǵan birqatar túlekterdi ózi basqaryp otyrǵan vedomstvoǵa jumysqa shaqyrdy.

 Mınıstrdiń aıtýynsha, shet elderdegi oqý oryndarynda óz kúshimen túsken 25 myńǵa jýyq stýdent bilim alýda. Sondaı-aq búginde «Bolashaq» baǵdarlamasy boıynsha 3 myńǵa jýyq elimizdiń jastary álemniń aldyńǵy qatarly oqý oryndarynda oqyp jatyr.