Shet elderdiń ekstremızmge qarsy is-qımylyndaǵy tájirıbesi talqylandy

NUR-SULTAN. QazAqparat - «Shet elderdiń zorlyq ekstremızmge qarsy is-qımylyndaǵy tájirıbeleri týraly» semınar ótkizildi. Semınardyń moderatory retinde Aqparat jáne qoǵamdyq damý vıtse-mınıstri Marat Ázilhanov sóıledi, dep habarlaıdy QazAqparat.

Semınarǵa tanymal zańger jáne quqyq qorǵaýshy, Ulttyq senim keńesiniń múshesi Aıman Ýmarova shaqyryldy. Ol praktıkalyq jáne zań turǵysynan zorlyq-zombylyq ekstremızmine qarsy is-qımyl boıynsha shet elderdiń tájirıbelerine toqtaldy.
Semınarǵa Din isteri komıtetiniń basshylyq qyzmetkerleri, «Aqnıet» QQ basshylyǵy men qyzmetkerleri, din salasyndaǵy jergilikti ýákiletti organdardyń, Din máselelerin zertteý ortalyqtarynyń basshylary, teologtar, psıhologtar jáne Qazaqstan musylmandary dinı basqarmasynyń qyzmetkerleri qatysty.
Semınarǵa qatysýshylar praktıkalyq aspektilerdi jáne dinı saladaǵy profılaktıkalyq jumysty jaqsartý boıynsha usynystardy talqylady.