Shet elderden qysqy demalystarǵa oralatyn stýdenttermen A/H1N1 tumaýy kelýi múmkin - J.Dosqalıev
ASTANA. Jeltoqsannyń 29-y. QazAqparat /Gúlmıra Álıakparova/ - Densaýlyq saqtaý mınıstri Jaqsylyq Dosqalıev A/H1N1 tumaýynyń juqpasy jańajyldyq demalystarǵa shet elderden keletin qazaqstandyq stýdenttermen qaıta kelýi múmkin degen boljamdy joqqa shyǵarmady,
dep habarlaıdy QazAqparat.
«Qazir bizdiń stýdentter jańa jyldyq demalystarǵa elge oralyp jatqandyqtan, atalmysh ınfektsııanyń kelýi múmkindigin joqqa shyǵarmaımyz. Atalmysh aýrýdy anyqtaý úshin qazir barlyq epıdemıologııalyq qyzmetter men densaýlyq saqtaýdyń barlyq qurylymdary kúsheıtilgen rejimde jumys atqarýda», - dep atap ótti mınıstr, búgin vedomstvonyń 2009 jylǵy jumysynyń qorytyndysyna arnalǵan baspasóz máslıhatynda.
J.Dosqalıev Qazaqstanda A/H1N1 tumaýyn juqtyrýdyń 19 deregi (Astana, Atyraý jáne Almatyda) bolǵandyǵyn eske salyp, aqparattyq ortanyń durys qoıylýy men azamattarymyzdyń saýattylyq deńgeıiniń joǵary bolýy sebepti Qazaqstanda atalmysh ınfektsııadan kóz jumý oqıǵalary bolmaǵandyǵyn aıtty.
Dúnıejúzilik densaýlyq saqtaý uıymynyń málimetteri boıynsha álemde A/H1N1 tumaýynan 2345 adam qaıtys boldy.
