Shet elderden kelgen azamattardyń balalary elimizde bilim ala almaı júr degen áńgime jalǵan - T.Ábishev
ASTANA. 27 qarasha. QazAqparat /Aıdar Ospanalıev/ - «Oralmandardyń jáne shetten kelip jatqan azamattardyń balalaryna Qazaqstannyń mektepterinde bilim alýlaryna kedergi kóp», degen áńgime jalǵan», dedi búgin QR Prezıdenti janyndaǵy Adam quqyqtary jónindegi komıssııa hatshysy Tastemir Ábishev Astanda ótip jatqan EQYU Sammıtiniń Sholý konferentsııasy barysynda.
T.Ábishevtiń aıtýynsha, bul másele túpkilikti sheshilgen. Óıtkeni qazir qalada tirkeýi joq, biraq elde zańdy túrde turyp jatqan oralmandardyń nemese mıgranttardyń balalary Qazaqstan mektepterinde bilim ala alady. «Elimizde memlekettiń qaýipsizdigin, qoǵamdyq qaýipsizdikti qamtamasyz etý maqsatynda syrttan kelgen azamattardyń quqyqtaryn shekteý jaǵdaılary bolady. Ol zańmen bekitilgen jáne mundaı talaptar halyqaralyq qujattarda da bar. Elimizge mıgrant retinde kelgen biraq elde ultaralyq tatýlyqty buzyp, memleketimizdiń tynyshtyǵyna nuqsan keltirip, dinı ekstremızmdi nasıhattaıtyn azamattardyń elde bolýyna ruqsat joq», dedi komıssııa hatshysy.
